清溪川韓國食堂 (已結業)

朋友生日想食韩国烧烤，于是就尼左尖沙咀既韩国街！原来星期日有D店系唔开门，所以选择又少左最后就拣左间好似好吸引同时又比较少人排队既清溪川，排左半小时终于有得食！好多碟伴菜，虽然味道麻麻地，但摆得好吸引！因为大家都无肉不欢，所以叫左个杂锦想试多D种类！见到成碟肉，大家都好期待！！但份量真系好少，两三下就烧完！味道冇咩特别，完全唔值咁贵！烧五花腩，虽然味道系唔差，但一样都系唔值尼个价，食完好似冇食过咁！叫左个炒年糕，终于有返小小饱肚既感觉！碟年糕卖相同味道都OK，唔会一味得辣味，有小小甜甜地！因为食完都仲系好饿，我地仲叫左个海鲜煎饼同石头饭海鲜煎饼系几好食既，算系是日精选！而石头饭就普普通通。总括而言，如果用二百几三百蚊食餐饭，我一定唔会选择清溪川！味道其实唔系话差，但唔系特别好，一定唔值尼个价，同埋食完真系冇咩饱肚感！真系试一次就够！