開心餅店

营业中

休息中

蛋白蛋糕$7买时已经感觉好松软，隔左一晚，搣黎食时都唔会干到一粒粒蛋糕跌岀黎。味道清淡，唔甜，蛋糕滑，咬落结实，唔系一阵风𠮶只。传统大蛋糕$9我食左半个，唔知系隔左一晚，定本身系比较干食，搣黎食时，啲蛋糕系咁跌岀黎，比较「粗糙」。同蛋白比哩个甜啲，多蛋香，同有一阵香油味。如果湿润啲会更好食。屋企人用左半个黎送咖啡，好快就食晒。麦皮方包$10（8片）屋企平时买开嘉顿方包，哩款方包比较多纤维，但好得意哋佢系有少少甜味，我夹左芝士，都ok！本来认识哩间饼店系因为IG好多人share嘅roll cake，黎到先知原来要预订或买即日弃单的少量货原。我同屋企人既然黎左，就买啲日常包点试下😌