影片
更多
2017-09-28
852 浏览
最近啲老友讲九龙城开左间粥底打边炉听闻唔错，一直都想试下，平时去亲𠮶头次次系泰国嘢咁滞，其余都系来来去去𠮶几间较岀名嘅火锅，收费都贵贵哋但又未算好岀色，所以都系时候发掘一下新地方。早几晚约左朋友食饭，就去试试啦，去到门口先知道原来间店宜家仲系试业中未正式开张，我𠮶晚八点零到都坐满六、七成人好似几旺场咁。格局整体都几企理，光猛有卡位又有几长枱，成班朋友去食都应该无乜问题！讲左咁耐系要入下正题有乜食，店员讲佢地新开张有少少优惠益食客，就系like下佢个fb page打下咭就有客蟹柳青瓜丝沙律送，我梗唔执输like下，都可以啦，始终送嘅又无得太高要求，份量都唔少添！𠮶晚我得两三个人，就order左佢哋三个set，见佢个set都几多嘢食，又新鲜虾、蟹、贵妃蚌、鲍鱼仔、蚬都两款，仲有份鱼。一开始个职员会预备定一窝较稀嘅粥水状锅底比我地打左头round 嘅海鲜先，佢哋建议我哋先放啲蟹等佢滚啲鲜味落𠮶底到，滚紧其间又可以食下虾先因为比较快熟。啲虾都几新鲜，扎扎跳，都几爽甜，至于啲蟹都几大只，又实肉仲有啲膏，以跟餐嚟计系几有质素！呢度个menu都有写哂建议每样嘢渌嘅时间，唔识分生熟程度都无问题啦！食完
平时去亲𠮶头次次系泰国嘢咁滞，其余都系来来去去𠮶几间较岀
名嘅火锅，收费都贵贵哋但又未算好岀色，所以都系时候发掘一
下新地方。
早几晚约左朋友食饭，就去试试啦，去到门口先知道原来间店宜家
仲系试业中未正式开张，我𠮶晚八点零到都坐满六、七成人好似几
旺场咁。格局整体都几企理，光猛有卡位又有几长枱，成班朋友去
食都应该无乜问题！
讲左咁耐系要入下正题有乜食，店员讲佢地新开张有少少优惠益
食客，就系like下佢个fb page打下咭就有客蟹柳青瓜丝沙律送，
我梗唔执输like下，都可以啦，始终送嘅又无得太高要求，
份量都唔少添！
𠮶晚我得两三个人，就order左佢哋三个set，见佢个set都几多
嘢食，又新鲜虾、蟹、贵妃蚌、鲍鱼仔、蚬都两款，仲有份鱼。
一开始个职员会预备定一窝较稀嘅粥水状锅底比我地打左头round
嘅海鲜先，佢哋建议我哋先放啲蟹等佢滚啲鲜味落𠮶底到，滚紧其
间又可以食下虾先因为比较快熟。啲虾都几新鲜，扎扎跳，都几爽
甜，至于啲蟹都几大只，又实肉仲有啲膏，以跟餐嚟计系几有质素！
呢度个menu都有写哂建议每样嘢渌嘅时间，唔识分生熟程度都无
问题啦！食完虾蟹，继续接力嘅系鲍鱼仔同贵妃蚌，蚌都几鲜甜
爽脆，鲍鱼仔都好新鲜弹牙，如果黐住侧边够胆嘅物体可以cut走
就更好。跟住就仲有有两款蚬同鲜鱼，两款蚬系乜名我唔记得，
一款较大，一款细只啲，大只嘅海水味多啲，细就好𡁻头啲，
都系比较少见 ，个老细嘅物体话岀面一般火锅店较少入因为
成本都贵，普遍都系用花甲、沙蚬多！
最尾食这系碟鲜鱼，鱼望落好似一般般，挞沙状咁，都新鲜㗎系
鱼味淡比较啲啲！不过一个餐跟左七款新鲜海鲜又真系无得投诉嘅！
食完海鲜，个餐当然未完啦，跟餐仲有自选五款料拣，都有成近三十
款，几多选择下。其实之前食左成七样嘢都几饱肚下，最终我哋再落
左，香葱鱼腐、蟹柳、虾滑、花胶仔同豚肉片。
呢个鱼腐好有惊喜，葱味又香又有鱼味，唔渌都可以斋食几粒，蟹柳
好似无特别，啲店员都话佢地用嘅系靓货，味道好啲但好易滚散，
唔可以渌太耐！虾滑又系好认真制作，好多虾喺入面，超甜同弹牙，
好有食紧虾饺嘅感觉！至于花胶仔都好有花胶味比起花胶筒正好多，
佢地预先浸同发定左，所以渌嘅时候唔洗搞太耐都已经食得，最尾渌
嘅豚肉都几有肉味，都唔错！
食埋第二round坦白讲都已经饱到八成，原来系仲有last一round嘅，
呢个时候店员会拎埋个粥胆加落去，再加埋啲南瓜粒同芋头粒落去
一齐煮多阵就食得。喺加左两款配料之后个粥底就变左成个南瓜粥
咁款，连埋打左咁多嘢食嘅精华，食落又真系几正，最后喺好饱嘅
情况下都要食多碗，另外佢地伴碟嘅油炸鬼都唔可错过，好香脆！
如果都仲未够嘅话，系可以继续order料嘅，不过当然唔系我地 XD
最后埋单都系位位198 加一，以食甘多同嘢嚟计都真系几抵，希望
佢哋可以继续keep住！
题外话/补充资料：
其实以咁多野食嚟讲，呢间火锅店都几抵玩，如果可以多番啲小食
就更正，听店员讲话迟啲会有埋韩牛同刺身，有机可以再试下!
(以上食记乃用户个人意见 , 并不代表OpenRice之观点。)
张贴
