京香閣 (已結業)

之前成日见到d人讲片皮鸭放题，自己一直都好想试一，因为我都系片皮鸭fans。今次就同朋友黎到呢到，片皮鸭放题可以自己出去拎，食几多自己睇到，好方便。而且仲可以睇住师博即场切，好正。片皮鸭既质素都唔错，而且配料都好新鲜好香，绝对值得食。不过呢度既皮就比较油，食得太多可能会比较滞，如果黎食就记得跟返自己既份量拎。 砂锅花胶鸡汤同埋原只鲍鱼花菇呢两道菜系会附送既，都几高质，特别系鲍鱼，系原只鲍鱼，而且煮得好腍好入味。而鸡汤亦好浓郁，入面仲有大大块花胶，又好饮又滋阴。 其余既食物仲有好多款，以下既系要落纸叫既，即叫即制。其中要推介小笼包同山东大包，因为会连埋笼一齐送上枱，蒸气会不断冒出黎，热辣辣好正。而且小笼包亦好高质，入面既汤汁好多好香浓，值得一试。 除左落纸叫既野食，仲有一部分食物系好似自助餐咁，放系出面自己拎。而其中既冷盘都非常高质素，例如镇江肴肉同五香牛肉，两款都系肉味香浓，而且食得出好新鲜。除此之外，多春鱼亦好唔错，除左炸得香脆，多春鱼本身都真系好多春，咬落又香又有口感。