Girlboss by Master Kama (已結業)

难得入屯门, 而且又见到龙虾包买一送一, 一于试下佢, 其实好耐之前系铜锣湾分店(好似执左)已经食过佢哋嘅龙虾包超好食, 今次特价更加要食啦, 我哋去到嘅时候差不多下午两点几, 因为佢话限量供应所以都问清楚佢仲有冇先 ,但个男职员好似好愕然咁答有呀, 之后带咗我哋坐低仲净系放低龙虾包个Menu俾我哋, 个下我真系有小小嬲好似睇唔起我地咁我就走去问佢攞埋饮品menu, 最后叫咗两个龙虾包同一杯饮品, 讲下个龙虾包先, 首先食落里面冇汁, 汁要自己再落落去, 印像中以前系里面唔够汁先至自己再加落去, 而且呢个汁同以前都唔同味道, 又唔酸又唔甜, 怪怪地, 而龙虾食落无味, 可能雪太耐又唔新鲜唯一最好嘅系个包, 包面有啲脆, 内里烟un, 薯条亦唔差, 炸得够脆口, 个沙律佢话系送嘅, 我当睇唔到就算, 而饮品系波子汽水加巨峰提子味嘅沙冰, 面头有几粒棉花糖, 呢个饮品啱晒女仔打卡影相, 不过饮落普普通通, 波子汽水味较浓啲, 整体气氛都啱女仔嚟Tea一Tea, 不过其他食物质素就要再试吓先知喇