影片
更多
2022-07-29
10 浏览
介绍返💁🏻♀️。。🇹🇭 泰国菜 在尖沙咀 🇹🇭。泰Grill。恒隆银行大厦尖沙咀美食坊地下3号舖。冬陵功Tom Yum Kung。HKD98串烧猪牛鸡 ComboBBQ Skewer Combo 。HKD48 @ 3 pcs。HKD88 @ 6 pcs烧猪颈肉Grilled Pork Neck。HKD68飞天通菜Stir Fried Morning Glory。HKD58蓝蝶花冰糖雪梨芦荟特饮Butterfly Pea Flower Rock Sugar Sydney Aloe Special Drink。HKD38蜂蜜菊花乌龙茶Honey Chrysanthemum Oolong Tea。HKD38🤫 早两晚放工约咗朋友出尖沙咀度买啲嘢..然后谂住求其揾啖食..经过门面好有南洋情怀嘅Granville Food Square一于入去试吓啰🤫 老实讲..美食坊呢三个字都好似有好几年冇听到过啦..估唔到喺尖沙咀加连威老道竟然有间装修咁靓仔嘅美食坊..既然佢咁南洋情怀等我就试吓啲南洋嘢啦🤫 我所谓嘅南洋嘢..其实只系泰国嘢..haha..废话又讲得太多添..即刻讲吓啲嘢食先..第一样介绍嘅
。
。
🇹🇭 泰国菜 在尖沙咀 🇹🇭
。泰Grill
。恒隆银行大厦尖沙咀美食坊地下3号舖
。
冬陵功
Tom Yum Kung
。HKD98
串烧猪牛鸡 Combo
BBQ Skewer Combo
。HKD48 @ 3 pcs
。HKD88 @ 6 pcs
烧猪颈肉
Grilled Pork Neck
。HKD68
飞天通菜
Stir Fried Morning Glory
。HKD58
蓝蝶花冰糖雪梨芦荟特饮
Butterfly Pea Flower Rock Sugar Sydney Aloe Special Drink
。HKD38
蜂蜜菊花乌龙茶
Honey Chrysanthemum Oolong Tea
。HKD38
🤫 早两晚放工约咗朋友出尖沙咀度买啲嘢..然后谂住求其揾啖食..经过门面好有南洋情怀嘅Granville Food Square一于入去试吓啰
🤫 老实讲..美食坊呢三个字都好似有好几年冇听到过啦..估唔到喺尖沙咀加连威老道竟然有间装修咁靓仔嘅美食坊..既然佢咁南洋情怀等我就试吓啲南洋嘢啦
🤫 我所谓嘅南洋嘢..其实只系泰国嘢..haha..废话又讲得太多添..即刻讲吓啲嘢食先..第一样介绍嘅就系个人好喜欢饮嘅冬阴功..话说我系一个食少少辣都会敏感到变成麦当劳嘴嘅人..但系我就对冬阴功完全冇抵抗力..就算要变麦当劳嘴都会忍唔住口饮两啖..而泰Grill嘅冬阴功就劲啰..呢度嘅几种菜式味道都偏浓..冬阴功就更加够酸够辣啦..虽然味道唔错..但系𠮶种辣劲我都只系可以顶到一碗..而我个朋友仔就饮到舔舔脷
🤫 餐厅名叫得做泰Grill..咁就梗系要试吓佢哋啲Grill啦..一于叫半打串烧再加猪颈肉..好开心呢度嘅串烧可以俾我哋每样两串..咁我哋猪牛鸡都可以试晒啦..新鲜滚热辣嘅串烧一放上枱就香喷喷..而且串串都好鬼厚肉㗎.. 猪牛鸡里面个人就最喜欢食鸡串烧..鸡肉外皮烧得够香入边有keep得住Juicy..相当唔错..重点系个沙嗲酱..非常好味..花生粒粒够晒多..呢个非常赞
🤫 然后烧猪颈肉份量够大碟..肉质够爽口..最啱就系同朋友一边食猪颈肉一边吹水..然后再饮两啖嘢润下喉..btw..嚟呢度食嘢真系有个好处..就系食完呢啲咁惹味又热气嘅嘢食之后都仲可以喺另外一个舖头𠮶边叫返杯润喉嘅饮品饮吓..真系相当方便
🤫 差啲讲漏..虽然我系一个食肉兽..但系我都相当注重健康..点都要叫返条菜平衡一下嘅..所以飞天通菜梗系唔少得啦..睇张相就知道佢系靓菜..而且好钟意佢将啲通菜剪到细细节细细节咁样..你知啦我呢啲樱桃小嘴点可能成棵菜咁掉入口食先得㗎(自己讲完都忍唔住笑🤭)..味道方面..正宗泰国菜..单字一个辣..但系辣得好惹味
🤫 总括嚟讲..成个Food Court我哋就主要系食咗间泰国嘢同埋饮咗佢哋Fountain嘅特饮..泰Grill嘢食方面相当惹味..钟意食浓味嘅朋友就最啱啦..而且价钱都几性价比啊..话就话系一个Food Court但系其实都系揾咗张枱然后睇Menu拣嘢食..仲有侍应姐姐Serve..绝对唔系𠮶种需要自己走去排队买嘢食嘅美食坊..都真系值得嚟试吓㗎
。。
翻兜指数：🙆🏻♀🙆🏻♀️ （5个🙆🏻♀️为翻兜爆灯）
。。
张贴