八方台式麵屋 (太古城中心) (裝修中)

呢几日都落大雨 屋企人都懒得落街买𩠌 所以叫我放工返屋企𠮶阵买外卖食算嗌咗两个套餐同两杯手摇饮品 套餐可以拣一个主食同一个小食 先几十蚊一个餐 算系几实惠卤猪手干拌面卤猪手唔会卤得过淋 烟烟韧韧好有骨胶原 肉燥小棠菜简单嘅白灼小棠菜配上有少少油水嘅肉燥 令啲菜更加香口好味麻酱椒香干拌面食辣嘅人一定要试呢个 有椒香味嘅辣酱配上粗身烟烟韧韧嘅面条 好惹味又有咬口台式盐酥鸡脆得嚟又有肉汁 不过即刻炸起即刻食 堂食应该会更加好味台湾茉莉绿茶嗌咗先记得自己唔记得叫小甜 但系意外地杯嘢唔系好甜 都几啱我口味玫瑰铁观音玫瑰味就唔系特别出 不过可以当系一杯带有少少甜味嘅台式茶类饮品