影片
更多
2019-03-19
242 浏览
因为听过有人话呢间嘢好食，而佢嘅装潢的确好讨好，所以今日终于去试试佢。下午茶时间，冇咩人唔驶等位，带位店员态度唔错，仲提我哋可以坐多阵等到下午茶开始先点餐。内在环境都几大几靓，完全系台湾小清新嘅感觉。下午茶menu。我觉得要试一间台湾嘢，叫肉燥饭就见真章。因为如果连咁简单咁传统咁招牌嘅嘢都唔好食，间嘢基本上系执得。而拼盘就系求其嗌嘅。tea set本身包杯茶，但我另外用半价加咗杯芒果奶盖 ($48->$24)上台啦！肉燥饭嘅卖相系小失望，因为肉燥份量望落唔多，又冇cover晒成碗饭，啲饭白雪雪好似冇乜汁咁。但系滗落去呢，其实汁系够的！因为落晒底～但系⋯啲饭，太淋了！直情有「固体粥」嘅感觉了。我唔要求系好烟韧香绵，但系煲到咁淋绝对系失败。至于肉燥，太瘦了，系一啲肥肉都冇的，所以缺少油香。呢碗饭完全破坏咗我本身好高嘅期望⋯＄38一碗肉燥饭，包埋小菜同茶唔系话贵，但都唔算好平，如果呢个质素就真系唔值跟set送小菜，系青瓜同莲藕，两样都好爽脆，只系莲藕味道有少少偏淡。右边嘅皮蛋豆腐系另加的 ($25)，豆腐好滑，酱汁甜带蒜味，都算唔错。但系惊喜总系一浪接一浪再难食啲又贵啲嘅嘢终于上台。
内在环境都几大几靓，完全系台湾小清新嘅感觉。
下午茶menu。
我觉得要试一间台湾嘢，叫肉燥饭就见真章。因为如果连咁简单咁传统咁招牌嘅嘢都唔好食，间嘢基本上系执得。
而拼盘就系求其嗌嘅。
tea set本身包杯茶，但我另外用半价加咗杯芒果奶盖 ($48->$24)
台湾肉燥饭
$38
49 浏览
0 赞好
0 留言
但系滗落去呢，其实汁系够的！因为落晒底～
但系⋯
啲饭，太淋了！直情有「固体粥」嘅感觉了。我唔要求系好烟韧香绵，但系煲到咁淋绝对系失败。
至于肉燥，太瘦了，系一啲肥肉都冇的，所以缺少油香。
呢碗饭完全破坏咗我本身好高嘅期望⋯
＄38一碗肉燥饭，包埋小菜同茶唔系话贵，但都唔算好平，如果呢个质素就真系唔值
跟set送小菜，系青瓜同莲藕，两样都好爽脆，只系莲藕味道有少少偏淡。
右边嘅皮蛋豆腐系另加的 ($25)，豆腐好滑，酱汁甜带蒜味，都算唔错。
塔香盐酥综合拼盘
$48
16 浏览
0 赞好
0 留言
再难食啲又贵啲嘅嘢终于上台。
我敢讲，个盐酥鸡真系垃圾中嘅垃圾。
唔热嘅，淋嘅，外层完全唔脆，而且淡茂茂系冇味嘅！！！！
明明用嘅系豪大大盐酥鸡𠮶种粒粒炸皮，点解可以淋到好似食紧棉花鸡咁？
我平时喺大学买$18一份嘅盐酥鸡仲要好食好多！
炸嘅嘢可以少少脆度都冇真系好难得！仲要上菜都唔系快，差唔多食完个饭先到的
真系超大失望同打击！
转战台湾肠啦，哗，又系冇咩味嘅⋯ 又唔似煎又唔似烤，有少少似白烚嘅感觉。
食到呢度，我真系成个人灰咗⋯
绝望中食埋个花枝丸，
嗯？反而又几好食，墨鱼丸个味道几浓。
芒果海盐芝士奶盖
$24
11 浏览
0 赞好
0 留言
最后讲埋杯饮品。
奶盖味道唔错，带咸味，但系略嫌质感偏稀，做唔到好绵密浓厚嘅感觉。
不过奶盖份量都多，饮到最尾都有得净。
芒果茶都ok嘅，有啲啲啲啲果肉，不过都系有啲稀，系许留山质素吧。饮到有少少茶味。
虽然算系唔错，但半价后先合理，如果正价$48，系超级overpriced。
然后我讲过带位staff态度唔错，可惜入到去侍应态度就冇特别好，我哋食完个饭都未送杯茶，想请侍应帮我哋跟跟，当个男侍知道我哋系想追单，佢系即刻pat底份单lol 之后好冇语气咁讲「帮你追下」。然后见到佢对住正好拎住我哋杯茶嘅侍应，有点呼喝地叫佢快啲上，指住我哋有少少晦气地讲「佢哋追呀！」
嗯，但系又唔系话好大件事，又唔算好恶劣嘅态度嘅，只系冇特别好，当轶事一则吧。但既然装修得咁靓，想走高档少少嘅路线，我自然系会对服务有高少少嘅期望？
不过始终，呢度最大嘅问题，系食物质素！作为一间台湾餐厅，佢卖嘅台湾食物真系完全唔合格⋯ 要知道喺台湾，周街都系平几倍而质素又唔错嘅食店。我知呢度系香港，我唔介意俾贵啲（好多），但系呢度真系挽车边都比唔上当地街头小店。
呢餐真系食得好失望，希望佢哋会改善吧。
台湾肉燥饭
$38
36 浏览
1 赞好
0 留言
张贴
