常嚐食•深燒堂 (已結業)

今日OT完收工冇咩胃口，约咗朋友尽诉心中情，所以拣咗呢间食串烧嘅慢慢倾。鸡肉羊肉鸡肾就少不免㗎啦，佢呢度落单嘅时候可以比自己填番每串串烧想要几辣。逐串逐串跟足你口味，唔使话要走就来就去。喺呢度嘅鸡肉串都真系几好，出边够干身，但系咬开之后啲肉好嫩好多汁。个鸡肾都系烧到岩岩好，够晒爽弹又唔老。另外个多春鱼都好抵赞，够干身得嚟又香，但又唔会话干到冇晒水份。金菇肥牛卷就食得多啦，芫荽肥牛卷我都系第一次见，对于我个芫荽控🐢🍯嚟讲简单系大惊喜。佢啲芫荽都包得好实，又唔会干争争，好好味咁话㖞。另外我哋叫咗两只烧全翼，啲调味都落得好足，香草孜然唔一样缺少，啲鸡翼都仲好滑，系唔错嘅。另外我哋叫做烧翠玉瓜，啲翠玉瓜爽口得嚟又多汁，真系样样都烧到岩岩好。最惊喜嘅系烧韭菜，其实我麻麻哋食烧韭菜，因为出边好多时都会烧到又干又韧，好似咬橡筋咁，呢度都系拿捏得好好，保持到水份。最后当然唔少得我最爱嘅烧菠萝做甜品，佢啲菠萝酸酸甜甜，岩岩好，做甜品一流。