Fleur de Sel

营业中

休息中

同多年冇见的朋友见面, 原先想去铜锣湾的另一间上楼cafe, 但因为冇位, 所以就左行右行揾另一个可以倾计食饭的地方。误打误撞去到呢间餐厅, 虽然地方不算十分宽敞, 但总算有一个可以唔俾人赶住食0既地方。厨房由法国厨师主理, 招呼人客的侍应及老板都十分friendly, 餐厅有露台位, 可以方便吸烟人士。我同朋友都唔太肚饿, 只点了一个最普通的galette (名字忘记了, egg, ham, cheese and mushroom), 香味十足, 味道亦唔错。呢个combination不会很易出错, 所以下次会试另一个味道。有一个问题, 就系唔好挂住讲野唔食野, 冻左就唔太好食。饮品要左cranberry juice, earl grey tea, 两样都冇问题, 比较细杯。除左食物, service都非常好, 侍应见我地饮品饮完, 即刻奉上水, 仲要好贴心, 系暖水, 唔系冻水冰水或滚水。餐厅有会员制, 可以登记做会员, 接收会员资讯。