Platform (已結業)

普天同庆嘅元旦假期专登去咗大围谂住揾间Cafe食，点知有啲咁差嘅遭遇。揾到嚟呢间Cafe谂住啲嘢食好似几特别但系点知好难食港式煲蛋 $98卖相非常特别吸引。一开头吉面头芝士同埋个蛋黄就觉得好正，但到入面真系好不堪🤢入面就好似系平时港式西餐奉送嘅罗宋汤咁样，但系质感非常之水。好难食。入面有少少辣肉肠有啲蘑菇，总之成个煲入面有八成都系呢碗蕃茄水…法式蛋卷配布里欧面包 $82块蛋好难食！！！冇蛋味、干争争！！入面包住羽衣甘蓝、烟肉、芝士好似好丰富咁！！但好淡、唔知食咗啲咩！！另外，Cafe只收八达通或现金，唔紧要。我俾现金，但系竟然临时系冇散子找！！餐厅唔收信用卡唔紧要，我知道service charge贵。但系当你剩系得两个付款方式嘅时候系咪应该要预备定足够份量嘅散子去找钱俾客人？𠮶时餐厅揾咗另外一位姨姨去附近唱散纸，但系个姨姨块面黑到好似有人杀咗佢全家咁….食咗咁难食嘅嘢仲要冇钱找仲要对住你呢个黑面神…..我想问咁其实系咪即系餐厅系想100%嘅客人都只比八达通？？？仲有其实呢间嘢价钱系唔平，完全冇一样嘢系值呢个价呢个系2024嘅第一餐，估唔到俾啲咁嘅体验我。