影片
更多
2025-01-31
0 浏览
我平时讲真都唔用OpenRice reivew，净系CD rom睇吓有乜嘢餐厅好食嘅姐，但系依间嘢态度实在差到我要开个account嚟讲发生咩事。店员服务差到贴地，旁若无人跳舞都算，叫佢过嚟都叫咗三四次，态度差到呕，讲清楚要饮乜嘢不断重复，佢都可以全部讲错晒，仲要话你做咩唔除耳机。我带咗耳机都得清楚过你呀，而且边个一定系攞嚟听歌，而家大把人攞嚟听清楚啲，而且你自己唔带耳机都听唔清楚，仲要恶人先告状，系咪新年嫌钱腥？买晒隔离咁多档，全部都听得我好清楚㖞，包括啲都好明显上咗年纪嘅人。你咁大条道理做错晒成个order，咁到底系应该叫你去检查吓自己听力，定系唔好睇咁多抖音专心做好你本分呢？都仲未饮已经觉得劲劳气，一攞出嚟睇，你少唔少冰原来系完全冇分别嘅，饮两啖就已经饮完，我觉得你仲喺度存在嘅原因系因为隔离未有柠檬茶店开啰。最重要系，新年流流唔想同你拗啦，你仲要特登做晒手势喺度笑人，大佬，首先啱你啲order你跟住先至去笑人啦。啲纸盒摆晒喺地下阻街又唔摆好佢，结果要打去大厦管理处叫佢哋执返好啲嘢。隔离唔系冇纸盒㗎，但人哋起码搭好佢呀嘛，你啲纸盒摆晒出嚟公众地方，咁多人周围买嘢食，系咪一定要就住你
店员服务差到贴地，旁若无人跳舞都算，叫佢过嚟都叫咗三四次，态度差到呕，讲清楚要饮乜嘢不断重复，佢都可以全部讲错晒，仲要话你做咩唔除耳机。我带咗耳机都得清楚过你呀，而且边个一定系攞嚟听歌，而家大把人攞嚟听清楚啲，而且你自己唔带耳机都听唔清楚，仲要恶人先告状，系咪新年嫌钱腥？
买晒隔离咁多档，全部都听得我好清楚㖞，包括啲都好明显上咗年纪嘅人。你咁大条道理做错晒成个order，咁到底系应该叫你去检查吓自己听力，定系唔好睇咁多抖音专心做好你本分呢？都仲未饮已经觉得劲劳气，一攞出嚟睇，你少唔少冰原来系完全冇分别嘅，饮两啖就已经饮完，我觉得你仲喺度存在嘅原因系因为隔离未有柠檬茶店开啰。
最重要系，新年流流唔想同你拗啦，你仲要特登做晒手势喺度笑人，大佬，首先啱你啲order你跟住先至去笑人啦。啲纸盒摆晒喺地下阻街又唔摆好佢，结果要打去大厦管理处叫佢哋执返好啲嘢。隔离唔系冇纸盒㗎，但人哋起码搭好佢呀嘛，你啲纸盒摆晒出嚟公众地方，咁多人周围买嘢食，系咪一定要就住你呀？
你咁钟意咪一齐睇抖音跳抖音舞啦，做茶饮店最基本就系整嘢饮，呢样嘢你都未做好，就唔好问点解你唔止一间店都系咁多负评啰。
张贴