影片
更多
2022-01-05
191 浏览
听人讲权发转咗三姐开的酒楼，咁啱同屋企人去咗柴湾，谂住晚餐去试下…点知中伏😢酒楼嘅装修其实同以前差唔多，感觉好似冇点翻新，不过胜在空间大座位多，基本上一定有位唔洗等。因为本身冇谂住写食评，所以冇影Menu。菜式都系一般酒楼会有嘅，有海鲜，小菜，汤，菜式选择中规中矩。落单一阵𩠌菜就好快送上，而且碟碟都唔热，极度怀疑系一早煮好😥金牌榄角骨 $98🦴正常榄角骨颜色应该系偏黑，因为腌料同啲骨应该有好多榄角包住🦴但呢度嘅榄角骨红当当，食落似生炒骨…一啲榄角嘅香气同味道都冇😑🦴 啲肉仲要又干又鞋怀旧梅菜扣肉 $98🍖系大埔食过一间好好食，但执咗，谂住叫呢道菜回味下同送饭🍖见用煲上，心谂今次一定热啦！点知得下面热，面嘅扣肉系暖⋯🍖有啲梅菜嘅，但唔入味🍖重点，扣肉一啲都唔淋！好硬！金银菜猪肺炖汤🥣唔知有冇记错名，但好肯定佢系写炖汤🥣侍应一打开个盖已经见到汤嘅颜色好淡，已心知不妙🥣试第一啖…明显唔系炖汤，系滚汤，只轻微饮到白菜嘅味道食咗个难食嘅晚餐已经唔开心，点知食完当晚胃就开始唔舒服，结果成个假期都胃痛肚屙！🤮总结：估唔到晚市咁难食，唔知午餐系咪好啲？但我唔会想再试第二次😑希望间酒楼唔系真系三姐开，如
酒楼嘅装修其实同以前差唔多，感觉好似冇点翻新，不过胜在空间大座位多，基本上一定有位唔洗等。
因为本身冇谂住写食评，所以冇影Menu。菜式都系一般酒楼会有嘅，有海鲜，小菜，汤，菜式选择中规中矩。
落单一阵𩠌菜就好快送上，而且碟碟都唔热，极度怀疑系一早煮好😥
金牌榄角骨 $98
🦴正常榄角骨颜色应该系偏黑，因为腌料同啲骨应该有好多榄角包住
🦴但呢度嘅榄角骨红当当，食落似生炒骨…一啲榄角嘅香气同味道都冇😑
🦴 啲肉仲要又干又鞋
怀旧梅菜扣肉 $98
🍖系大埔食过一间好好食，但执咗，谂住叫呢道菜回味下同送饭
🍖见用煲上，心谂今次一定热啦！点知得下面热，面嘅扣肉系暖⋯
🍖有啲梅菜嘅，但唔入味
🍖重点，扣肉一啲都唔淋！好硬！
金银菜猪肺炖汤
🥣唔知有冇记错名，但好肯定佢系写炖汤
🥣侍应一打开个盖已经见到汤嘅颜色好淡，已心知不妙
🥣试第一啖…明显唔系炖汤，系滚汤，只轻微饮到白菜嘅味道
食咗个难食嘅晚餐已经唔开心，点知食完当晚胃就开始唔舒服，结果成个假期都胃痛肚屙！🤮
总结：估唔到晚市咁难食，唔知午餐系咪好啲？但我唔会想再试第二次😑
希望间酒楼唔系真系三姐开，如果系…🤭
张贴
