Oasis Bar & Grill (已結業)

餐厅位于尖沙嘴诺士佛台，平日夜晚都多人帮衬。餐厅内有几个打卡位，我坐既位置系偏黑暗，再有射灯打灯枱面，仲有个电子烛光。巴马火腿配无花果及合桃沙律 $128摆盘靓，红红绿绿，好似个圣诞花圈。巴马火腿几好味，仲有我好钟意既火箭菜。芒果蟹肉牛油果塔$168酸酸地，做starters会开到胃既。芒果＋蟹肉＋牛油一齐系几有趣既配搭。自家制香脆虾多士 $88多士真系好脆，中间夹住滑香弹牙既虾滑。个虾多士好香，就咁食好味，也可以点沙律酱食。龙虾汁天使面伴炭烧大虎虾及三文鱼籽 $158天使面索晒龙虾汁好香好好味，大虎虾肉质都唔错！冬阴功海鲜扁意粉 $198真系好浓冬阴功味，亦都几辣。有1粒带子、3只虾、4只青口等等既海鲜。虽然餐牌写扁意粉，不过个职员话系用普通意粉。酥炸原只软壳蟹蟹肉蟹膏意大利饭 $228酥炸软壳蟹都几大只，有酥炸味。意大饭有好多菇菇。杂莓香浓朱古力挞拌红莓酱 $108真系好香浓既朱古力，里面有软心朱古力，钟意食朱古力既我觉得好味～Yuzu Sunshine Mocktail $98酸酸甜甜，几醒神。