影片
更多
2015-07-25
1527 浏览
今日约左宝贝们喺头开餐~呢个商场有几间新的食店~所以今次来呢间一试~!一出电梯就人头涌涌,但好快就有位~呢到格局用以紫色同水晶做主调,好高雅的感觉枱櫈摆得好迫,好似想密舖任何一个位置!! 即刻感觉差左~坐下服务员好快手咁放下碗筷同水,一边问我地开乜野茶一边走左去...我明要分秒必争...佢地真系太忙了~我地睇一睇餐牌,菜式相当精致,睇下样样都想食~最后我地点左少少心仪美食~招牌烧腩仔 - 卖相唔错,皮肉均匀,唔会太肥似烧肉~入口肉质香嫩,可惜皮已经唔脆,而且一D温暖都冇,有D失望黄金虾 - 以呢个价钱的话~虾的确够大只,整碟份量相当足够,而且炸得好够火候,成只食连虾头都可以食埋~!可惜外层的炸浆食落只系一般的炸浆,咸蛋黄的份量就少到食唔出~令人失望~金银蛋时菜 -简单的菜式但求蔬菜够新鲜唔会太老煮得太耐~食落唔错~原汁原味~上枱时同系带点凉意~失去左热腾腾的感觉,烧猪仔脾 - 相信系猪仔脾烚到7成熟再拎去焗到全熟至少少㶶㶶地..再淋上烧汁而成~入口感觉唔够热气唔够惹味蒜泥白肉 - 相信系卷起左一段日子~所以白肉中间的青瓜已经唔脆了,感觉唔新鲜~蒜呢份量少左D,又加多左D豉油,所以好似得
一出电梯就人头涌涌,但好快就有位~呢到格局用以紫色同水晶做主调,好高雅的感觉
枱櫈摆得好迫,好似想密舖任何一个位置!! 即刻感觉差左~
坐下服务员好快手咁放下碗筷同水,一边问我地开乜野茶一边走左去...
我明要分秒必争...佢地真系太忙了~
我地睇一睇餐牌,菜式相当精致,睇下样样都想食~
最后我地点左少少心仪美食~
招牌烧腩仔 - 卖相唔错,皮肉均匀,唔会太肥似烧肉~入口肉质香嫩,可惜皮已经唔脆,而且一D温暖都冇,有D失望
黄金虾 - 以呢个价钱的话~虾的确够大只,整碟份量相当足够,而且炸得好够火候,成只食连虾头都可以食埋~!可惜外层的炸浆食落只系一般的炸浆,咸蛋黄的份量就少到食唔出~令人失望~
金银蛋时菜 -简单的菜式但求蔬菜够新鲜唔会太老煮得太耐~食落唔错~原汁原味~上枱时同系带点凉意~失去左热腾腾的感觉,
烧猪仔脾 - 相信系猪仔脾烚到7成熟再拎去焗到全熟至少少㶶㶶地..再淋上烧汁而成~入口感觉唔够热气唔够惹味
蒜泥白肉 - 相信系卷起左一段日子~所以白肉中间的青瓜已经唔脆了,感觉唔新鲜~蒜呢份量少左D,又加多左D豉油,所以好似得个咸字
醋汁云耳 - 简单到唔会有要求的菜式~但求清清淡淡爽口~如可加多点蒜茸同带点凉意会更好
波萝排骨 - 份量极少~波萝只得三数件~青红椒仲多过佢~排骨食落似系番炸过数次,又黑又干身,原先系谂主同炒饭一齐食~点知食完炒饭迟迟先上~变左大家要硬食干骨~!
蛋白炒饭 - 清清地的炒饭~可能比人忘记多时~上枱分配好之后,大家食入口时先知系冻冰冰~若一早知的话就要换过一碟了~
生煎饱 - 生煎饱定系生蒸饱?厚厚的皮,少少的饀肉,外皮虽然有少少煎过的痕迹,食落质感同食叉烧饱冇分别,
蟹子烧卖 - 好味道的点心~难得佢热辣辣咁上枱~面头仲加多一大只的虾仁同几粒蟹子~!入口有香浓的猪肉同冬姑味~绝对系原汁原味~!唔错~
沙姜大鸡脚 - 食落一D沙姜味都冇的''大''鸡脚,服务员姐姐只放下点点沙姜汁,唔沾汁的话就如同白烚,且虽话系大鸡脚,但其大小真系强差人意~比酱汁凤爪大一D...
蒸龙趸鱼 - 声称有一升的鱼~可能讲紧未㓥前~上枱时睇落细条左少少~而且游完水再要游豉油~鲜鱼蒸得啱啱好唔会过火,肉一D都唔鞋口,唔错~!
葱油之麻大饼 - 令人伤心的出品~一睇就知系炸出黎而唔系煎出黎的,而且做法亦唔系面粉加葱粒一齐挤,而系喺面粉饼皮包住D葱粒舖上芝麻再拎去炸~成件事同预期中充满出入~炸完之后又唔系即时上枱,到上枱时已经唔热了~感觉就只得肥腻
脆包肠粉 - 真系一味高难度的款式,要令肠粉皮柔软又滑,又要令当中包住的饀保持脆卜卜真系唔易~食落就知佢地放弃了软粉皮而要脆卜卜~最后我地都觉得两者皆失~粉皮唔热又带点硬,中间炸过的不知名物体唔脆又唔热~
一路上服务员比我地的感觉都好唔客气~放碟时弄得好大声~感觉好街市大排档~我唔系歧视,只系觉得呢D声音唔应该喺呢到出现~
店舖洗手间设备唔系咁令人满意~虽则唔洗经过厨房重地,而且设计系商场提供,仍感觉迫迫细细湿湿窄窄,唔方便老人家之余更唔方便伤残人士…所以可以的话都系忍耐一下,揾另一个更好的解手吧~!
总括黎讲..算系见识过佢的出品~可见的未来相信唔会再见,真心希望佢地他日可以有所进步
张贴
