The Chippy (恆隆銀行大廈) (已結業)

居然开左一间主打英式炸鱼薯条，仲声称全部食材都由英国入口，品质应该有所保证😏。嚟到先发现原来呢度系foodcourt😮，但职员服务态度一d都唔差，会主动同我地落单、送餐、送餐具等，仲要带有笑容，比某d要加一餐厅更好!!招牌炸鳕鱼薯条 12oz $188我自己对12oz完全无概念，实物长度有我1.5只手掌，最厚嘅位置都有1.5吋(唔计炸衣)。新鲜热辣炸出嚟，外层炸衣炸得够干身、一d都唔油腻、而且又够脆，食到最尾都依然脆口，而且唔会好易散开。鱼质虽然唔算滑，但无腥味、有鱼汁、亦有鱼味；由于条鱼质素唔错，个人觉得唔驶点个他他酱，已经好好味。仲有大量粗薯条，只用少少盐轻轻调味，有薯味；可惜炸得唔均匀，有部分薯条中心未炸透，口感系硬薯仔，非粉糯感，有进步空间。个人觉得呢个炸鱼薯条几高质🙊，虽然售价近$200，但佢根本就系二人份量，即系人均$94，仲要无加一，其实性价比几高。