Steak Bar (已結業)

话说有人睇到偶像嘅facebook去咗呢间Steak Bar度锯扒之后又要跟住嚟食好西,所以肥胖兵团再次出动,原来就喺铜锣湾俗称拉面街里头嘅其中一家小店,睇嚟平时真系睇漏眼大家认住门口呢只有对角嘅牛就唔会嚟错地方㗎喇。睇一睇份餐牌,呢度嘅牛set大致上都分为六款,无论厚切薄切西冷吉列都有,一起身嘅第一餐我就唔想食吉列咁热气,于是乎我就拣咗呢set安格斯西冷牛扒啦。安格斯西冷牛扒($258蚊)：好多人都知道西冷牛扒系属于一只牛嘅腰脊部份,拥有较强嘅肉味同埋嫩滑嘅口感,相比起其他部位脂肪含量亦都较高,所以识拣一定拣食西冷啦。Steak Bar将呢块牛扒煎到我要求嘅五成熟之后肉质非常有弹性又有嚼劲,有口感之余牛肉味相当浓郁,脂肪比例均匀,连平时一向唔食肥肉嘅我今次连肥膏都一齐吞落肚,因为真系又滑又香啱啱好,一啲都唔觉得肥腻,口感非常丰富,绝对将西冷嘅美味发挥到淋漓尽致。阿肥跟风嗌嘅呢份顶级板腱牛扒($215蚊)：睇餐牌上面介绍仲话系每日限量㗎!~250克嘅牛扒非常有厚度,卖相高档精致。阿肥怕生所以叫咗七成熟,最令人惊喜嘅地方系煎至七成之熟咬开后仍然啖啖肉汁,非常juicy,可以配搭日本蒜盐或