公和荳品廠

营业中

休息中

每次黎深水埗，一定会谂起公和既豆腐花。系我心目中「公和」已经同「深水埗」挂钩，每次黎到深水埗都一定会食碗豆腐花，因为咁多年都揾唔到边间好食过佢。以前细个一定叫冻既豆腐花，特别系夏天时食完透心凉，爽YY~但人大左，食得多冻野对身体唔好，今次再光临，叫左碗热既细豆腐花。出奇地发现其实热豆腐花更加滑，豆味更出，比起冻既更加好食。因为雪过既豆腐花，质感一定无热豆花咁滑溜，豆味更加会降一大截! 公和豆腐花永远无令人失望，一如以往咁滑，咁香豆味。细豆花份量够女仔食，不过已经加到$10一碗，无计，依家咩都贵哂，加价在所难免，不过我都会照食。