銀龍粉麵茶餐廳 (已結業)

虽说呢间银龙茶餐厅距离我家2分钟路程, 但当唔想落街, 都会间唔中叫吓外卖, 呢晚就电话落单, 叫咗个炒米, 亦要求走辣, 但对方即厨师上身, 话呢个菜式本身唔辣, 我就话, 我唔知辣唔辣, 但讲定最穏阵...点知40分钟后, 外卖到了, 天啊! 里面竟然有好多辣椒, 见到真系火都嚟 , 咁就梗系即刻打电话落去投诉啦, 对方补获, 话即时再炒过比我, 兼第一个送到, 咁就算数啦。可惜, 过咗差唔多半个钟, 都见唔到半个人影, 于是我又打电话落去嘈, 虽然对方话同事已经上紧黎, 但我觉得佢讲嘢已经唔可信, 加上我唔想再等, 便要求退钱, 退钱方面, 估唔到好快, 快过盒外卖, 5 分钟内搞掂晒, 当我以为成件事已经close file, 喺呢个时候, 竟然又有银龙既职员摸上门, 话送外卖, 吓? 唔系啩, 迟唔迟啲呀!! 超离谱, 由我第一次投诉到呢家, 足足50分钟, 究竟呢位仁兄去咗边呀? 又话第一个送比我既?  见佢手上乜外卖都冇, 究竟佢系冇听同事指示第一个送, 定系去咗吞POK? 退埋钱都唔知, 仲喺度同我嘈....我想简简单单叫个外卖啫, 估唔到都咁多波折, 搞足1个半小时,