影片
更多
2018-02-18
180 浏览
想同朋友食返啲传统嘅中餐。之后，见有朋友介绍呢间私房菜好似唔错，好抵食好大分咁，就上去试下。由于我哋约咗星期五晚聚会啦，所以我哋就趁早打电话去book位订枱。然后𠮶日去到嘅时候发现星期五都满座。虽然餐厅环境有少少挤迫，但服务质素唔错，侍应都好主动咁成日帮我哋添茶。我哋坐低咗之后就嗌咗个南非鲍鱼至尊盆菜餐。第一度嚟嘅就系冷头盘，名为四醉拼，分别就有醉鸡、云耳、猪手同埋鸭舌。云耳开头食落都非常之爽脆弹牙，但系下面𠮶啲就浸得太多酒就有少少偏咸。啲醉鸡起咗骨，食起上嚟嘅时候好方便，同埋吸咗啲酒味都非常之香浓。而猪手就好大份同埋食落爽口。第二道菜系汤。一打开个盖就见到个汤非常之足料，同埋充满咗肉，仲有好大块嘅花胶。饮落清甜而唔油腻，啲汤料有Ｄ太多，食唔晒觉得有d浪费。 之后就上盆菜，大家都惊吓咗一下因为真系份量超大，非常足料！尤其系只虾非常鲜甜好食，个酱又好特别。另外嘅一个惊喜就系盆菜入面竟然有乌冬！仲要系索咗啲浓郁汤底嘅乌冬！超滋味搞到我同朋友要抢食！阿老板仲成日走过嚟帮我地加汤底，认真之好服务。个盘菜真系非常之丰富，包括有：鲍鱼、鱼肚、瑶柱、带子、发菜、芋头、萝卜、娃娃菜等等．．． 真系多到
由于我哋约咗星期五晚聚会啦，所以我哋就趁早打电话去book位订枱。然后𠮶日去到嘅时候发现星期五都满座。虽然餐厅环境有少少挤迫，但服务质素唔错，侍应都好主动咁成日帮我哋添茶。我哋坐低咗之后就嗌咗个南非鲍鱼至尊盆菜餐。
第一度嚟嘅就系冷头盘，名为四醉拼，分别就有醉鸡、云耳、猪手同埋鸭舌。云耳开头食落都非常之爽脆弹牙，但系下面𠮶啲就浸得太多酒就有少少偏咸。啲醉鸡起咗骨，食起上嚟嘅时候好方便，同埋吸咗啲酒味都非常之香浓。而猪手就好大份同埋食落爽口。
第二道菜系汤。一打开个盖就见到个汤非常之足料，同埋充满咗肉，仲有好大块嘅花胶。饮落清甜而唔油腻，啲汤料有Ｄ太多，食唔晒觉得有d浪费。
之后就上盆菜，大家都惊吓咗一下因为真系份量超大，非常足料！尤其系只虾非常鲜甜好食，个酱又好特别。另外嘅一个惊喜就系盆菜入面竟然有乌冬！仲要系索咗啲浓郁汤底嘅乌冬！超滋味搞到我同朋友要抢食！阿老板仲成日走过嚟帮我地加汤底，认真之好服务。个盘菜真系非常之丰富，包括有：鲍鱼、鱼肚、瑶柱、带子、发菜、芋头、萝卜、娃娃菜等等．．． 真系多到食唔晒！
老板见我哋挑战咗咁耐都食唔晒于是就提议畀我哋打包返屋企当听日加料，好贴心！
食食下途中仲转左壶靓既铁观音，应该系用黎消滞！
之后就嚟咗个腊味糯米饭，个饭嘅硬度啱啱好唔会太油利唔会太淋，但同样地都系食唔晒，所以又打包咗返屋企。
最后就上埋甜品 - 系姜汁芝麻汤圆！喺咁冻嘅天气下饮姜汁真系非常之贴心嘅安排，最后我地个个都捧住个肚甘番屋企超满足！
张贴
