Fûhn (香港逸東酒店)

营业中

休息中

本身系油麻地，开APP见到呢间越南粉有半价，就决定过嚟试下啦！我哋两个人叫咗一碗特色牛汤粉同埋烧猪颈肉。入面有生牛肉，牛腩，牛筋，牛丸，牛腩边同埋牛柏叶，一碗就已经可以试晒咁多样，对于选择困难嘅我黎讲，真系好开心！系咁多样配料入边，我最钟意就系佢嘅牛筋，佢切到一条一条，唔会好痴牙，而且非常嫩滑。牛腩亦都煮得好林，一咬就开，完全唔会起渣。而猪颈肉加左香料去调味，而且炸得好干身，好食到停唔到口啊！其实当时亦有下午茶餐可以选择，只不过半价后，单点好似仲抵食，如果未够钟半价，都可以黎试下下午茶餐！