鮨心 (已搬遷) 新店位置

辛苦返左5日工，星期六日难得放假当然要约班朋友出黎食下野行下街啦，唔系的话迟早痴晒线。由于其中一个朋友好不幸星期六要返长短周，所以就佢方便去旺角食lunch。我叫左个海鲜丼定食，贪佢入面乜野都有，刺身样样齐，就咁睇2佰几蚊好似贵贵地，但佢又跟埋前菜、沙律、茶碗蒸同面豉汤同埋个刺身饭。除返埋，又好OK 㖞。前菜有牛舌，我无食，比左朋友清埋佢，佢话好淋又入味。沙律酸酸甜甜好开胃茶碗蒸同面豉汤都系水准之作黎，食个正餐刺身饭前先暖下个胃。刺身饭到了，每件都大大件又够晒新鲜。至正系带子同虾，厚肉又鲜甜。食物同招呼都一流，环境又舒适，轻轻松松咁又过左两个钟 。