紫荊閣 (已結業)

喺红磡呢头返去工都会想揾啲新奇嘅去食，叫化鸡其实真系唔会经常揾到点去食，见到呢间紫荆阁有叫化鸡，咁梗系去试吓。叫化鸡一上就会叫我地其中一人可以试吓拎锤仔揼下只鸡。 大家试吓玩吓又影吓相，旁边嘅小朋友都觉得好新奇。叫化鸡好有荷叶味而且锁住左肉汁，一边另外总会有红枣，菇类等等，全部都觉得好入味，分量亦都足够几个人去食。另外都叫咗腿茸津白，津白爽甜，煮得刚好，每次出去食饭我都会叫菜黎中和下成餐饭食咗咁多肉，菜不嬲比我嘅感觉系必需的，系每餐晚饭入边都有重要嘅角色。福建炒饭嘅材料好足，而且个汁令到啲饭粒都好易入口。分量亦都十足我哋几个人去食完全足够，食到我哋捧住个肚走。京都骨嘅味道香气十足，味道刚刚好，酸酸甜甜亦有咸味10分开胃。 小朋友如果唔肯食饭食呢度菜就啱啦，因为佢的确令我哋枱嘅小朋友乖乖地坐定食饭。店员仲送上咗红豆糖水，好香嘅陈皮味而且唔会好甜，另外全店都会有七折架， 买单果下即刻觉得好抵。又有七折又有送糖水点会唔试吓佢㖞。