4號烤吧 (已結業)

好耐都无食过烧烤呀！通常钟意系小食店里撸串串，但都有坐得舒舒服服既烧烤店选择。今次来到「4号烤吧」，环境阔落空间感十足，坐得好舒服，仲有大电视听歌。员工服务好好，抵赞！今次我地拣左鱼丰盛套餐！认真「丰盛」！叫左香辣烤鱼，餐厅十分照顾顾客需要。会比客人自己选择辣度，配料等等。今次拣左bb辣，食落香得黎唔会特别辣。条鱼好大条，绝对够饱肚。怕多骨嘅人可以放心，因为系绝对唔多骨！旁边有配菜如豆卜，云耳等等。套餐仲可以选择二个前菜小食，鸡软骨同川香牛肚。鸡软骨份量颇多，而且好香口。最后仲有6串串烧猪腩肉真系好好味，烧得外脆内软，油香味十足鸡肉都唔差，唔会好韧，啱啱好。牛肉都几大旧，够韧性！套餐可以选择一楂竹席茅根，可以降火，味道清甜。