人和月雞煲火鍋店 (已結業)

今晚同闺蜜去咗尖沙咀，一间任食火锅嘅舖头，第一次去，但食完感觉非常唔错， 诚意介绍俾大家。间舖头叫人和月，主打鸡煲同火锅放题，我哋一致觉得佢嘅食物新鲜同质素高，坐得舒服，亦都打理得干净，食得好放心。我哋叫咗个晚市SRF极黑和牛海鲜大满贯C餐，佢嘅份量真系好多，首先佢包一个头盘，你哋唔好以为头盘细细份，其实我觉得佢系主菜嘅一部份，头盘有鸡煲、卜卜蚬、烤鱼同酸菜鱼等选择。我哋拣咗酸菜鱼，佢嘅份量我觉得仲多过出面食酸菜鱼嘅舖头，非常抵食。味道都十分正宗，酸菜同鱼肉都好多，又唔会太辣，好好食，虽然一路打边炉一路食，劲多食物，但都居然食得晒😆😆至于火锅，我哋拣咗胡椒猪肚汤底，胡椒味好重，好出色，猪肚嘅份量适中，呢个汤底无论食牛肉定海鲜都冇得输。呢个任食餐系包一个大满贯嘅和牛拼盘同海鲜拼盘，份量非常多，建议大家食完呢两个拼盘再做其他散叫食物，如果唔系可能会眼阔肚窄㗎！和牛拼盘，除咗有M4和牛、封门柳、牛小排、牛肩、牛板键、金钱𦟌、肥牛，仲有出面比见啲嘅牛胸爽，真系好丰富，而且味道质素高，真系抵食！海鲜并盘有大大只饱鱼、日本扇贝、青口、海虾、沙白、鱼肉，全部都大大件同新鲜，睇得又好食😋我哋另外都再叫