北海道十勝豚丼 (已結業)

女人街真系卧虎藏龙既地方! 好多好野食. 所以特登同男友仔黎揾食!揾到呢间食豚肉既铺头, 又系个句, 见人多, 羊群心理, 一定无衰.坐低后, 睇睇MENU, 真系样样都系猪!见招牌系十胜烤薄猪扒饭, 更系唔会错过! 男友仔点左呢个, 咁我就点左滑旦吉列猪扒饭.另外加左小食网烧汁墨鱼咀. 侍应话巨峰提子梳打买一送一, 所以我地都唔执输!十胜烤薄猪扒饭 - 呢个果然系招牌菜. 猪扒簿簿的, 比肉片大少少, 但好淋, 网烧汁好够味, 淋上面岩岩好, 而且份量都唔少. 有好多块呢!滑旦吉列猪扒饭 - 应该改名叫洋葱猪扒饭呢! 洋葱多过旦好多. 猪扒虽然够淋, 但卖相唔多好, 里面黑黑地. 感觉唔系好新鲜. 旦都唔太滑. 加上个饭无汁, 好Dry, 所以最后叫侍应俾左d烧汁我地先好返d.墨鱼咀 - 汁还汁, 墨鱼咀还墨鱼咀, 基本上墨鱼咀系无味, d味入唔到, 只系得个咬字. 但因为个汁好香, 所以都食晒巨峰提子梳打 - 正正常常, 无乜特别话明系豚肉饭专门店, 点可以只得招牌饭好食而其他豚肉饭唔惦呢?另外, 今日忘了带相机, 只能用手机既拍摄功能, 所以质素异常唔好....