臻味冰室豬扒酸辣米線

营业中

休息中

又是OT 的晚上，夜了饿了，唯有自私食。行吓行吓，嚟左呢间，我最爱的猪扒米缐。夜晚都仲系灯光火著，都几多捧场客。好多应该都同我一样，附近的打工仔。平时 lunch 都有食开呢间，劲多人排队，食饭食到打仗咁，虽然好味，却毫不享受。晚餐时段，餐牌相同价钱一样，却系另一个世界。每人可以有一张枱架！可以慢慢食，冇压力。餐牌，基本上已经唔使睇。叫返我的例牌，酸辣猪扒米缐$38。猪扒煎香的，已经有调味厚肉，都有成四件。猪扒真系招牌，好好味，唔会油腻。米缐系比较有韧性果种，系我钟意果 type ，最怕米缐淋淋烂烂，一夹即散果D。汤底虽然叫酸辣，但实际上系有点麻辣的。有大量的花生芫茜葱，好香好鬼正。冻奶茶$14 一杯，冇乜特别。纯粹为猪扒米缐而来，冇得输。