嘉樂冰廳 (U PLACE) (已結業)

妈妈今日约咗朋友去土瓜湾饮茶。咁我当然车佢去啦。顺便同家姐去揾吓食，泊低架车行咗去呢间家乐冰室，见装修得几特别、几舒服，就人去试吓啦。等咗大约10分钟有位，座位相隔宽阔、几舒服，装修几靓。睇完餐牌正打算落单，伙计话要自己用QR code电话落单，是但啦，咪照做啰。落完单之后，等咗几分钟伙记走来已经走过来话蕃茄浓汤卖晒啦。吓！？咁奇怪常餐仲有蕃茄浓汤吉列猪扒面，反而早餐已经卖晒蕃茄浓汤。唔紧要啦，咪改清汤啰！食物好快嚟到啦，炒蛋正常、多士正常香脆，块猪扒都几大块，清汤公仔面汤偏淡，加番啲胡椒粉先够味。反而块猪扒几好食，腌得入味，份量又够。柠檬茶中规中矩，特别系可以选择龙啲淡啲，再讲下服务，叫伙记哥哥要杯水，但系好耐都冇攞嚟，好明显系唔记得咗。食完野去个洗手间，返嚟家姐话隔离枱𠮶啲人等咗好耐都未有嘢食呀。再望望系㖞真系㖞，明明系同我哋差唔多入嚟我都食完去完厕所，𠮶啲嘢都未到。眼见前后都有三台客因为嘢食未到走咗。咁我哋真系好彩，啲嘢食咁快就到。