葡點茶餐廳

营业中

休息中

平时都有食开呢间蒲点嘅，不过多数都系嗌外卖，今次见到间铺入边冇乜人，就坐低喺入边舒舒服服咁食啦，点知系好有惊喜啰！之前都有食过呢个猪扒芝士捞公仔面，但因为外卖嘅关系，啲芝士变冻咗，变到一pat pat，完全系一嚿嚿咁样食，所以系唔好味啦，又唔好口感嘅。今次唔知食咩好，就再嗌呢个猪扒芝士公仔面，但系原来堂食系超级大分别啰！佢用一个热嘅铁碗装住，所以啲芝士呀面呀同啲猪扒都keep住热嘅，所以个芝士出到嚟呢𠮶个质感都系用拥地，唔会话好似胶嘅咁，每一啖食落去都系啲芝士捞埋啲面一齐，跟住猪扒都系好软熟啦林嘅，唔会话硬，识落啖啖肉好有口感，最特别系佢有个面包粒配咗系个面上边，平时外卖呢，呢个面包粒都会冻咗淋左，但佢今次系脆，热辣辣配埋啲芝士，真系好正啰！