茶木‧台式休閒餐廳 (已結業)

今日同屋企人出去食，咁岩又落大雨，所以就近近黎左呢度食。一般台湾野食大家都会知道盐酥鸡同珍珠奶茶，但今次小妹就点左个酥炸猪排肉燥饭食下。酥炸猪排肉燥饭 $64望落去个卖相唔错架，加上果只铁铲匙羹，几吸引下。呢个饭嘅份量适中，唔会话太多又或者太少，配上肉燥同埋只溏心蛋，连埋酥炸猪排，个味道都几好架。呢度嘅猪排几得我欢心，因为唔会炸得太过火，女仔最怕食完炸野生豆豆架啦！猪排呢，果层炸份唔厚，食落去系绝对冇一个炸粉多过猪排嘅感觉。反而呢，块猪排好松软，一啲韧嘅感觉都冇。喺猪排入面，有少少脂肪，令到成块猪排入口口感更加好。屋企仲食左牛肉面，啲牛肉都唔系好韧，唔使好大力咬，所以都值得试下架。