影片
更多
2016-11-13
349 浏览
最靓五花肉*韩国忠州直送苹果套餐2人份 $398韩烧⋯系香港真系少食，今次决定玩玩新意思，唔止要韩烧，仲要苹果加烧肉！位置位于旅游旺区～旺角！2条女食韩烧，有啲过份，我认😂不过难得见面，真系唔好理咁多，开怀咁食，畅快地吹水😆2人份猪肉套餐，我完全觉得够晒数，够晒饱；肉类有3种，五花肉，秘制猪颈肉，黑毛猪肩肉；五花肉2大块，好够份量，烧时滋滋作响，哗，啲肉汁啲油份，边烧边流出来，香到呀；猪颈肉就相对无咁油，但食落好弹口，唔驶包生菜就咁食已经好好味；拿，我就觉得黑毛猪肩肉系最为干身同埋要最留神嘅，因为旧肉大块到好似旧扒咁，真系要比足精神慢慢烧，虽然较干但食落好有肉味，我就最钟意整个生菜包一齐食，好满足（啲生菜真系一块块，大大块，好新鲜👍🏻）但既然要有啲唔一样，当然要试下猪肉配搭其他食材一齐食：新麻蒲既然采用咗韩国忠州直送苹果，甜中带点点酸，唔系唔试嘛？好～试就试，想健康啲就配苹果一齐食，苹果片微微烤过就好了（太耐会变软身，唔好食）一块苹果片配上一旧烧肉（一旧好啦，苹果片唔系大大块，包唔到咁多），再加蔬菜/配菜，配搭上秘制烤肉酱，一啖塞落口，真系又甜又啲啲酸又啲啲咸再黎啲肉味，真系好多味道多
韩烧⋯系香港真系少食，今次决定玩玩新意思，唔止要韩烧，仲要苹果加烧肉！位置位于旅游旺区～旺角！
2条女食韩烧，有啲过份，我认😂不过难得见面，真系唔好理咁多，开怀咁食，畅快地吹水😆
2人份猪肉套餐，我完全觉得够晒数，够晒饱；肉类有3种，五花肉，秘制猪颈肉，黑毛猪肩肉；五花肉2大块，好够份量，烧时滋滋作响，哗，啲肉汁啲油份，边烧边流出来，香到呀；猪颈肉就相对无咁油，但食落好弹口，唔驶包生菜就咁食已经好好味；拿，我就觉得黑毛猪肩肉系最为干身同埋要最留神嘅，因为旧肉大块到好似旧扒咁，真系要比足精神慢慢烧，虽然较干但食落好有肉味，我就最钟意整个生菜包一齐食，好满足（啲生菜真系一块块，大大块，好新鲜👍🏻）
但既然要有啲唔一样，当然要试下猪肉配搭其他食材一齐食：新麻蒲既然采用咗韩国忠州直送苹果，甜中带点点酸，唔系唔试嘛？好～试就试，想健康啲就配苹果一齐食，苹果片微微烤过就好了（太耐会变软身，唔好食）一块苹果片配上一旧烧肉（一旧好啦，苹果片唔系大大块，包唔到咁多），再加蔬菜/配菜，配搭上秘制烤肉酱，一啖塞落口，真系又甜又啲啲酸又啲啲咸再黎啲肉味，真系好多味道多层满足；想更满足？配薄饼食啦，薄饼已经烤过并放上点点秘制酱汁和配料，把烧肉放上，再加苹果碎条又再加秘制苹果醋汁，食落更有口感更香！
除咗肉类，更有冬菇和大虾，大大粒，大大只，锅边更有烤蛋配上洋葱；整个套餐大大份，大满足；酱料多，配菜多，仲有沙律👍🏻地方大，干净，无时间限制之余坐得舒服！
张贴
