影片
更多
2006-09-10
5 浏览
星期三晚同女友去食拉面套餐,女友之前同朋友过话好味道,我就系第一次。我同女友都叫左一个拉面+三件寿司+饮品套餐$48元,女友拣左猪颈肉拉面,我就拣左鸭胸肉拉面,女友话猪颈肉味道怪又唔得松软,而且比平时出面食开薄好多,佢向店员投诉后换左碟同我一样鸭胸肉。鸭胸肉几又软又好味,但只得四片唔多够喉。饮品方面我同女友都觉得非常淡,根本唔系冰多少问题,而系水吧冲时已经好淡。寿司因为搭台隔离有一个细路不停咁咳嗽,但佢阿妈又不停俾冻柠茶佢饮,而且越饮越咳全无制止,而我又大病初愈身体抵抗力差,所以女友即要求店员将未食过寿司打包外卖,即刻埋单速速离开。总括讲咁价钱讲,食物质素普通通啦,不过真系要改善一下。环境方面较挤逼,而且坐近门口热风不停吹入,令到个人一路食一路出哂汗好鬼死热,如果门口唔好用透明乳胶帆布做门,改用密封趟门就最好啦!因为冷暖气对流令帆布翻起,热风不停门外吹入,一来浪费电力,二来流失冷气及能源,真系唔多环保呀~
张贴