叄嵐日本燒鳥串燒居酒屋 (已結業)

呢间日式居酒屋几特别，餐厅系自助形式，仲有只猫猫走黎走去，野食选择唔太多，主要系食串烧，反而饮品选择好多，有多款花茶同咖啡。我地点左鳗鱼玉子烧，特盛鳗鱼饭同几款串烧，饮品点左蓝莓水果茶~蓝莓水果茶卖相唔错，有2个小杯可以share, 不过味道有点太酸。而鳗鱼玉子烧做得唔错，蛋几滑溜，而且热辣辣。串烧点左鸡腿串，翠玉瓜同粟米，不过不失。最后特盛鳗鱼饭系超大条鳗鱼！仲分开有一碗汁，够哂多鳗鱼汁捞饭！鳗鱼好厚肉，美中不足系个边有小小位烧㶶左，同埋d饭太松散~不过$108系抵食既！