串燒屋

营业中

休息中

串烧任食自己烧，呢间串烧屋放题，有串烧，网烧，炸物，冷盘，饮品无限量提供，任食2. 5小时，价钱仲相当相宜。雪柜区提供多款饮品，包括乌龙茶，柠檬薏米水，洛神花茶，汽水等等，亦提供蔬菜和锡纸包食物，例如牛油粟米，蒜蓉金菇，菠萝，沙律菜，腌萝卜，啫喱杯，棉花糖串等等，可以自由拿取。每枱都有1部可以自转嘅串烧炉，串烧会自己转动，唔使自己反来反去，仲可以网烧，真系非常方便。串烧之中，最正就系牛肋肉，牛味浓，带少许牛脂肪，牛舌亦相当不错，烧豆卜好有惊喜，烧完超级脆，而且有豆香，食多几串都无问题。蒜蓉牛油面包，放系机度烧，烧成效果非常好，金黄香脆，最后一定系烧棉花糖，烧到胀卜卜，香甜结尾。网烧食物推荐羊架，大大件又厚肉，另外五花腩烧完脆卜卜，似烟肉口感，都非常滋味。烧菠萝必食推介，又甜又多汁。炸物之中最推荐系芝心虾丸同吉列蚝，爆芝虾丸好好味，吉列蚝蚝味浓。蒜蓉烧蚝亦好大只，鲜味浓。最后仲有雪糕杯任食，有云呢拿同香芋味。同场仲有小小猫店长陪食，小猫咪可爱嗲人，活泼好动，略带个性，所以唔建议摸猫，比佢静静地陪住我地食野就ok。