登打士茶餐廳

营业中

休息中

今日上完堂有少少肚饿，啱好见到间茶餐厅就入去叫左个下午茶餐医肚。鸡脾沙律配杯我风雨不改的冻柠檬茶。鸡脾外脆内嫩，一口咬落去，仲好juice，生果沙律酸甜可口，仲加左我钟意食的薯仔。冻柠茶清爽唔嚡口，甜度适中。可能系太开胃了，我又叫左个西多士，个西多好厚身，上面的牛油仲系新鲜牛油，岀边煎到金黄色好靓，入边好软，咬落去，有唔同的层次感。餐牌好得意，有猫猫图片，不过更开心原来真有猫猫见到。白色只猫猫好八卦，系咁睇住我食嘢，黄色猫好可爱，仲攞头来磨我的脚。好开心的一个下午茶，下次过来一定带零食俾你食。