EXP

营业中

休息中

近牌成日去又一城，食左几转Simplylife，虽然唔闷，但系又好耐无帮衬EXP，就转一转环境。Simplylife未系又一城开档之前，EXP一直都系我系又一城开饭既第一选择，感觉佢同Simplylife都有相似既地方，Pizza…….Burger………舒适既环境，半开放式厨房…………Simplylife应该抢左EXP唔少生意，以前EXP都要排长龙，衣家条龙上左去Simplylife…一个人坐低，餐牌选择多，但系就系无一样我特别想食既，左度右度，最终就点左呢个日式咖喱猪扒炒饭配炒蛋同一杯Juice！日式咖喱猪扒炒饭配炒蛋一上枱卖相真系几吸引，猪扒够大够厚，包糠炸得色水均匀，咖喱香扑鼻……..食啖咖喱，少甜唔辣，几岩胃口，猪扒咬落去，包糠炸得够脆又唔太油，猪扒肉质软淋有肉汁，本来应该好得，奇就奇在佢块猪扒虽有肉汁，但系就无味道，好淡口，完全无猪肉应有既味道，其实块猪扒有接近全瘦，但系佢又好淋，唔知做左D咩手脚…享受炸得脆口既包糠同软淋既肉质，但就唔享受佢既古怪无味！货不对办就系…个饭底，又话炒饭，点解变左白饭？