元気寿司 (已結業)

还记得早几年，次次经过元气寿司店，条龙都排到鬼死咁长，但系而家一间又一间既日本料理越开越多，就自自然分薄晒啦，不过身处坑口区既我，o系呢一区来讲就真系唔太多选择，所以，一想起食日本野，就自自然去元气食啦！我次次必食既食物有：软壳蟹手卷 - 试过好多间有软壳蟹既餐厅，都系元气整得最好食，且价钱合理。北寄贝沙律军舰 – 够冻够爽既北寄贝，好味！不过今次就整得好丑样，d酱痴住d紫菜都俾客人食，o系佢面前讲咁丑样o架整得，不过侍应扮听唔到，真系老土呀！蒸蛋 – 够滑同够热，材料亦适中。另外亦有食左不同款式既寿司，不过不失，ok啦。但系有意外惊喜既系，我地叫左个三文鱼皮小食，因为系刚刚炸好既关系，食落去仲系热辣辣同脆扑扑既，系我食咁多次元气最好食，最新鲜既一次，不过次次都要等到刚出炉既三文鱼皮小食，又可以有几多次呢！