Dining Kitchen Vegi (已結業)

同事朋友中好坏参半嘅餐厅，装修风格日式+西餐厅，其实即系港式，整体观感几好，由于座落铜罗湾，唔觉得挤迫已经可以接受。简单叫左个和牛炒饭加杯draft beer, 卖相好，外观睇到㕷饭炒到一粒粒分开，有光泽湿度中等，不过啲牛肉原来并冇一齐炒，咁应该叫和牛加日式炒饭合理啲。个饭炒得好香，有少少磨菇一齐炒，食落口感好好，饭身弹牙有味，亦唔会痴埋一齐，啲葱都恰到好处，总体上单讲个炒饭系非常香，口感都好丰富。再试啲牛肉，偏瘦，少少韧，如果食惯好肥好易咬嘅牛肉应该会唔惯，肉汁都保留到而且好够味，但就冇特别，似系其他餐厅都试到嘅烧汁。总结，炒饭系一流，但牛肉好普通，以呢个价钱来讲唔抵，因为份量实在太少。