Simplylife Bakery Cafe

营业中

休息中

Simply life，正如其名「简单」二字，假日brunch一律划一收费，$138加一，包餐汤或沙律二选一，配以餐包。麦包上枱时欠缺温度，但胜在带麦香，法包口感，偏硬、略带韧性，感觉较精制面包健康。甘荀汤混和薯仔熬煮，入口厚身绵滑，带蔬果嘅天然甘甜，汤底加咗两粒水牛芝士，饮饮吓突然食到阵奶香，呢个做法几特别。面包涂上厚厚牛油烘香，质感好软熟，但面层包皮烘得偏㶶，略带苦味；芝士份量有一片，算几足料，相信如果改用raclette cheese会更香口；鸡肉汉堡扒肉质扎实，有饱足感，简单调味不至于遮盖鸡肉原风味👍🏻建议可加入多啲蕃茄同生菜，令汉堡整体更湿润多汁，无咁干身。冰茶系红茶底，加入柠檬汁同奇亚籽，清新解渴，系成个餐最出色果样😂😂整体而言上菜快，效率高，客人旧去新来，换过一批又一批。即使又一城人客众多，入座亦唔需要等候太耐，确系省时用餐嘅好选择。