Pepperonis Pizza & Cafe

营业中

休息中

星期一行完蚺蛇尖落山饿到肚都扁埋，行下行下去左呢间餐厅又唔驶等位，两人入去坐低就拿拿声叫野食:全名唔记得，鸡肉藜麦沙律咁上下啦，其实呢碟四人份量都OK , 当然咁开胃既前菜落响两个行完山既饿鬼面前就梗系唔会剩啦。8吋海鲜薄饼，餐牌有8,11同15吋既薄饼order , 呢块8吋2人份量有4块，厚批(口味人人唔同我比较喜欢薄批)，饼够热够松化，系海鲜料既种类略嫌太单一，总括黎讲都几好食。炸鱼薯条，鱼肉够油够滑，但块皮油益味较重。不过唔知点解，薯条好好食，完全无油益味，唔通系唔同油镬炸出黎?香辣海鲜意粉食落有辣味但唔算好辣，蚬肉用蒜头爆到开口先起镬，兜熟意粉再回镬，所以蚬肉无腥味，辣味同蒜味捞得洽到好处，但都系同一问题，海鲜食材种类太单一，但一碟意粉有十几廿只蚬，出面真系叫𩠌都未必有。星期一同二晚上6-9买一送一，买二送二，送果样以价钱较低为准。饮埋杯啤酒都系$399,抵食到核爆。