影片
更多
2021-02-18
1622 浏览
之前已经食过佢地圣诞节出嘅姜饼人曲奇 系爸爸公司送嘅 觉得都几好食 所以记住咗个名上网揾先知原来系社会企业 系东华三院嘅面包店 专系训练同聘用残障人士 同时主张健康饮食👍🏻今日黎开坚尼地城 所以顺便去佢哋舖睇吓有乜包同帮衬下位置比较偏僻 起坚尼地城站C出口出 过马路然后转左 一路直行到尾街 之后就会见到面包店橙色嘅外墙店舖大细都算系咁上下 有张枱仔俾人坐低食嘢近窗就放晒啲面包 望落去好似唔多款式 但系睇真啲其实选择繁多架有预先包装好嘅各款方包同餐包 🍞亦有个柜专放啲用黎送礼 靓靓哋 一盒盒既曲奇饼🍪当然都有新鲜面包 有好多都好吸引😍例如芝士麻薯波波 迷你肠仔包 玉桂香蕉合桃包 bagel 菠菜红椒包 黑糖肉桂卷 (个肉桂卷好大个好靓 望落又好软淋淋 心郁郁想试 不过又想食咸包）最后买咗个几特别 其他面包店少见嘅枝豆七榖长包 ($13)睇个样都几吸引 又望落几健康🙈Size属于中形面包 比大麦包细 但系因为佢长 所以又比一般有馅面包大 大概系2个餐包拼埋咁大啦面包夹落比望落去硬身攞上手都feel到外层厚身啲拎到返屋企忍唔住试吓放咗入焗炉整一整热佢 基本上系冇焗过😂只系暖一暖入面真系有一粒
上网揾先知原来系社会企业 系东华三院嘅面包店 专系训练同聘用残障人士 同时主张健康饮食👍🏻
今日黎开坚尼地城 所以顺便去佢哋舖睇吓有乜包同帮衬下
位置比较偏僻 起坚尼地城站C出口出 过马路然后转左 一路直行到尾街 之后就会见到面包店橙色嘅外墙
店舖大细都算系咁上下 有张枱仔俾人坐低食嘢
近窗就放晒啲面包 望落去好似唔多款式 但系睇真啲其实选择繁多架
有预先包装好嘅各款方包同餐包 🍞
亦有个柜专放啲用黎送礼 靓靓哋 一盒盒既曲奇饼🍪
当然都有新鲜面包 有好多都好吸引😍
例如芝士麻薯波波 迷你肠仔包 玉桂香蕉合桃包 bagel 菠菜红椒包 黑糖肉桂卷 (个肉桂卷好大个好靓 望落又好软淋淋 心郁郁想试 不过又想食咸包）
最后买咗个几特别 其他面包店少见嘅枝豆七榖长包 ($13)
枝豆七榖长包
$13
34 浏览
0 赞好
0 留言
睇个样都几吸引 又望落几健康🙈
Size属于中形面包 比大麦包细 但系因为佢长 所以又比一般有馅面包大 大概系2个餐包拼埋咁大啦
面包夹落比望落去硬身
攞上手都feel到外层厚身啲
拎到返屋企忍唔住试吓
放咗入焗炉整一整热佢 基本上系冇焗过😂只系暖一暖
入面真系有一粒粒枝豆💕 仲保持住枝豆既味道同口感架 已经遍布面包
面包肉层相当软熟 好淋 又好有咬口
而且因为用咗七壳面粉 除咗望到啲杂谷之外 食落都有啲小麦既质感 好得意
唔知点解觉得佢入面个味道好似嘉顿切片冇边白方包味😗质感同样咁软 但系又唔会太空气到好似唔系食紧野咁
至于外层 个人觉得面部真系硬咗少少 要俾啲力咬 不过低部几好食嘅 几烟韧既口感亦有少少似法式餐包/baguette口感
所以可能如果我焗耐啲 令佢脆少少会好食啲 只可惜我太心急 肚饿起上嚟忍唔住 等一分钟好似等成世咁😂
不需5分钟食晒成个包包❤️
唯一系食完之后非常口渴 可能系佢相对落盐落多咗 比较咸
-
佢啲面包 曲奇饼质素几好
款式新颖 真系有兴趣试低糖抹茶曲奇同玉桂卷🤤
店舖环境干净整齐
服务态度亦几好
价钱一般 可能会贵少少咁多 但系支持下社会企业 贵$2-3冇乜所谓啦! 加上有质素就咩都抵
大家不妨试试 佢都有几间分店
面包店就坚尼地城 上环
餐厅就金钟 湾仔
佢啲breakfast lunch tea set 望落都几丰富架 价钱又唔贵 好值得帮衬！
(可以去佢哋ibakery website睇佢地嘅产品同餐牌）
张贴
