52C Medium Rare (已結業)

下午三时左右去到，无需等位。餐厅环境卫生，整洁，唔会油淋淋，抵赞。餐厅同时提供 Stone Grill 同网烧，但系分开两层的，有选择困难症嘅，去之前最好谂定食哪边先 😅点餐都系以自助形式，接受八达通、信用卡等电子支付，都算方便。不过得一台点餐机，人多时可能要等一下嘞。今次试咗石烧，食物方面，点咗牛肩、封门柳，两件都拣咗 250g，另外叫咗柠檬薏米水。跟餐有汤、沙律、饭（饭量自选），唔够食可以 Refill 一次。肉质方面，封门柳系好腍，但牛肩性价比更高。调味方面，有岩盐、黑胡椒、日式酱汁，随便落。其实简简单单加一点盐己很好。薏米水就有啲「涩」，应该系啲柠檬皮处理得唔好，要留意改善啦！