富盈廚坊雞煲．海鮮專門店 (已搬遷) 新店位置

今日爸爸要出旺角整电话，咁就顺便去饮茶，真系千祈唔好去。绝对系，贴钱买难受！门口侍应已经无乜礼貌，同佢讲3位，佢系无反应既，我再同佢讲，佢仲好似嫌我唔耐烦咁叫我坐低等等喇。😒我再问佢，下，唔洗攞飞架？佢话唔洗架，等阵喇。好似讲到我好烦我唔识野咁。虾肠系第一碟到，我食𠮶旧无乜特别，屋企人食到有啲虾霉左。虽然我食𠮶旧啲虾无变，不过啲肠粉好厚，好似食紧河粉咁。然后到红油炒手，食左一啖，哗，劲大阵姜味。我净系食到姜味，同埋食到啲肉劲唔新鲜。流沙包，系最正常既点心。系真系流既，不过个包有阵少少嘅怪味，但都叫做食得，至少无变味。虾饺都叫做ok，都系至少无变坏无怪味，但唔叫做好好味，啲虾系无味既。因为食虾饺想点辣酱，我前后一共问左三个人，都唔拎比我。自问态度无特别差，正正常常咁问「有无辣椒油呀唔该」，第一个唔知答左乜然后无左回事。第二个叫我等等然后行左几个圈都无左回事。到第三个仲要话返我咁既态度叫我等阵，我燥左话返佢，我叫左两次都无人攞比我。佢就叫我自己去睇下推车仔𠮶啲有无，我问佢咁系咪姐系自己去攞？佢又话唔系，一阵攞比我，不过佢最后系无攞到！呢个马拉糕不知所谓，未见过发唔起既马拉糕仲要攞出黎比客食