炎天丼 (已結業)

小巷惊喜午市日式饭！今日系圣诞后嘅红日，好多餐厅同cafe都塞满人，所以揾嘢食揾到嚟女人街~ 嚟到呢度揾到一间食日式丼嘅专门店，入面唔系好多人所以就拣咗呢间啦😆佢哋呢度特别有午市饭选择，今次我叫咗唐扬鸡丼，原本都系抱住单纯食饱嘅心态，但呢个唐扬鸡丼嚟到之后，卖相非常有惊喜！唐扬鸡丼嘅正中间有一粒炸咗嘅溏心蛋，边边舖满新鲜炸起嘅唐扬鸡块，入面有生菜丝，面头挤咗满满沙律酱同埋香料🤩 除咗卖相有惊喜之外，味道方面都系高水准，唐扬炸鸡新鲜炸起非常香口，你再配上好多沙律酱味道再升华，更加特别想赞𠮶粒炸咗嘅溏心蛋，外脆内软非常好食而且有心思！😋除咗唐扬鸡丼都嗌咗天妇罗，味道一样都系唔错㗎！食得太兴起唔记得影相😂 呢间绝对值得一试😁