影片
更多
2018-02-25
631 浏览
又到星期六, 肥妹仔我训到差唔多十一点先起身, 又系呢D食早餐嫌迟,但系食午饭又嫌早既尴尬时候....好彩肥妹仔的表舅父,表舅母今朝黎肥妹仔到拜年, 一于join埋长辈们既聚会去填饱个肚先~~因为肥妹仔我今次迟咗起身所以迟咗到, 去到既时候娘亲,表舅父,表舅母已经食紧,所以肥妹仔只好影已经食咗小小既点心俾大家,希望大家唔好介意啦!!!酱汁蒸凤爪(中) 流沙奶皇包 (中)翡翠荀虾饺皇(特)先讲酱汁蒸凤爪, 佢既酱汁系平时大家食开果只, 有豆豉, 南乳果只味,普通到无得再普通, 个凤爪蒸得好软谂, 正常. 至于个流沙奶皇包, 唔知系咪肥妹仔我迟到,所以个奶皇包系冻晒!!!!大家都知流沙奶皇一定要热食先感受到果种流沙奶皇果皇热到荡嘴既咸蛋香, 可惜肥妹仔我今次无缘品尝到, 不过唔紧要, 虽然感受唔到果种热到荡嘴既快感, 不过肥妹仔我都可以同大家讲番个流沙奶皇包既味道既~~佢既流沙奶皇系有咸蛋王既香味, 不过就奶皇味就偏淡, 做唔到奶香同咸香既平衡, 唔知有无人同肥妹仔一样, 都系比较钟意食奶味重既奶皇包呢?? 到个翡翠荀虾饺皇啦, 呢个有惊喜bor!!!就算肥妹仔我食果阵时已经冻晒,不过个翡
因为肥妹仔我今次迟咗起身所以迟咗到, 去到既时候娘亲,表舅父,表舅母已经食紧,所以肥妹仔只好影已经食咗小小既点心俾大家,希望大家唔好介意啦!!!
酱汁蒸凤爪(中) 流沙奶皇包 (中)
翡翠荀虾饺皇(特)
先讲酱汁蒸凤爪, 佢既酱汁系平时大家食开果只, 有豆豉, 南乳果只味,普通到无得再普通, 个凤爪蒸得好软谂, 正常. 至于个流沙奶皇包, 唔知系咪肥妹仔我迟到,所以个奶皇包系冻晒!!!!大家都知流沙奶皇一定要热食先感受到果种流沙奶皇果皇热到荡嘴既咸蛋香, 可惜肥妹仔我今次无缘品尝到, 不过唔紧要, 虽然感受唔到果种热到荡嘴既快感, 不过肥妹仔我都可以同大家讲番个流沙奶皇包既味道既~~佢既流沙奶皇系有咸蛋王既香味, 不过就奶皇味就偏淡, 做唔到奶香同咸香既平衡, 唔知有无人同肥妹仔一样, 都系比较钟意食奶味重既奶皇包呢?? 到个翡翠荀虾饺皇啦, 呢个有惊喜bor!!!就算肥妹仔我食果阵时已经冻晒,不过个翡翠荀虾饺皇个虾系食得出爽脆鲜味, 而且只虾既size都唔细, 有诚意, 虾饺皮烟烟韧韧, 非常好食!!
紫心香芋丸 (中)紫心香芋丸系肥妹仔我去边度饮茶都会叫既一个点心, 因为肥妹仔我真系好钟意紫芋果只香甜既味道!!呢个紫心香芋丸外皮炸得香脆, 内裹既糯米粉团搓得烟韧, 可惜香芋的内馅实在太小,食粉团多过食馅,非常失败!!!!!
金钞银萝肠 (精)因为肥妹仔我系超级钟意食香口野.....所以一见到呢个金钞银萝肠就即刻点咗佢!!!!个粉肠包住脆的米网, 米网内面系包住萝卜丝.....Er....个萝卜丝真系好油,油到食一啖已经想放低唔食!!佢既味道系似萝卜丝酥, 味系调得唔错, 但真系太油腻, 起初食既时候米网都系脆, 可惜随住时候既流逝, 米网变谂, 好似食紧一件件又谂又油既肠粉.....好难食!!!!
水晶潮州粉果 (中)拿!!!!呢碟就正常啦, 粉果皮烟韧, 内馅有粉礍, 虾米, 肥猪肉,葱, 非常香虾干味, 好食!!!
蒜蓉蒸鲜鱿 (精)呢碟点心一上枱卖相真系麻麻, 好似水汪汪咁...不过食落又唔算好淡味bor, 蒜蓉味都几浓, 可惜D鲜鱿系唔新鲜系货色, 用粉拿得好西利, 食落去好梅....唔好食!!!!!
沙嗲金钱肚 (大)肥妹仔我觉得呢个点心改错名, 应该叫酱汁金钱肚, 因为个汁一D都唔沙嗲, 似酱汁凤爪只味.....唔系难食但一定唔系沙嗲味lol....个金钱肚都蒸得软谂, 唔系爽口果只质感, 不过不失啦!!!!
榄豉酱蒸排骨 (大)豉椒排骨既味道, 肥瘦肉适中, 无咩特别, 可以啦!!!
食完呢餐之后肥妹仔我觉得海港既质数差咗好多, 可能楼下间权X仲好食, 系时候海港要times out一阵了
张贴
