英記中泰美食

营业中

休息中

大埔墟街市真系好多好嘢食，见去开食嚟食去都系果几间，就谂住试下新野，黎到呢间泰式小店午饭。佢地得一个舖位，占嘅枱都唔多，不过拎起餐牌又好似几吸引。首先叫咗个喇沙鸡丝汤粉，其实用料都十足架，有虾鸡丝鸡蛋生菜同冬菇等等。而汤底好够椰汁味，唔辣既，不过味道就好单薄，亦唔浓稠；而个粉就似米线，煮得太稔易断。另外呢个咖喱猪扒饭都好足料，用既系一大块炸猪扒，同埋大量薯仔同蕃茄；可惜个汁真系太无咖哩味，同埋好似茶记咁打左茨，味道不讨好。其实场中仲有另外一间泰国野，我觉得有比较好快就会汰弱留强，小店要急起直追。