拉麵天王 (已結業)

男朋友有条拉面瘾，圣诞正日午餐我地都去左食拉面喺op见到呢间拉面评价唔错，价钱唔贵，即管试下。假日接近3点去到，由于店面唔大，类似日式拉面档嘅装潢，清一式「自闭位」，可以见到师傅煮面。所以座位唔多，不过幸运地坐上最后两个位，如果要等位的话，我会觉得非常不值。拉面有4款：白、赤、黑、限定天王 拉面制作时间有点长，居然等左32分钟先有面食~白天王 $69 (猪骨汤)睇番菜单，汤底以猪骨新鲜淆制十几个钟，不过汤头并唔浓 猪骨味淡，但同时又觉得咸…椰菜、木耳，有人会觉得加分；个人认为刚刚相反，令到碗面感觉更廉价，好似3𩠌饭附送嘅冻椰菜…只系想令人觉得大件夹抵食嘅虚象…赤天王 $79我依然系拣辛辣味，睇色水以为好辣，不过蒜味太重，稍为盖过辣味，主要系用辣椒油去营造出黎嘅辣。汤底偏油，唔多想饮落肚，而且过咸，系灌水之选…面质软硬拣中等，不过都系有啲淋、唔爽口。叉烧比较薄身，而且有啲韧…溏心蛋亦冇流心效果，不过由于系附送，我地本身都冇乜期待。唯一感激店家提供冰水，旁边嘅客人都狂饮水~豚角煮 $25反而豚角煮几出色！肥瘦占半，带微微焦香！ 但旁边有一堆粒状豚肉，冇乜特别~虽然不错食，但廿五蚊黎讲…太贵