豚王 (V Point) (已結業)

豚王紮根銅鑼灣登龍街已經好多年，同街搬左新舖後都係第一次幫襯，店舖光猛咗，餐廳又濶落咗，食得更舒適自在~鐘意呢度除咗有得揀麵嘅軟硬度，仲可以揀湯底同配料~今日食咗黑王同豚王，豚王湯底白滑香濃，唔會太咸太膩，配埋肥瘦相間嘅腩肉，增添一份油脂香又唔會太漏!黑王係墨汁湯底，帶有光澤、墨味唔重反而碗中一球秘製肉醬非常惹味，就咁食入口非常香濃，撈落湯底成碗麵味道更RICH!嚟到緊係要食埋餃子，餃皮夠薄又香脆，咬開夠juicy，一口一隻，自己食一份都絕不過份~難得開業多年依然保持味道同水準，而且店員有效率又熱心，值得再幫襯~