影片
更多
2012-06-21
5095 浏览
我同老公都劲钟意BBQ, 听朋友讲君悦酒店的BBQ BUFFET好正, 一于去试下. 果日朝头早落雨, 仲惊无得食添, 因为系outdoor的, 好彩夜晚无落雨, 不过好大风, 差D吹到连只碟都反埋. 经过泳池到左餐厅, 离门口好远已经有个笑容可掬的带位姐姐欢迎我地, 一座低就俾好香既烧烤味道吸引住, 急不及待即刻出去拎野食. 冷盘有好多靓海鲜, 好大只龙虾, 仲爆晒羔添, 又有琵琶虾, 超级厚肉的大蚬, 巨型波士顿龙虾拑, 食两只龙虾已经回本. 仲有好新鲜既沙律, D车厘茄个皮系脆的, 好鲜甜, 连埋顶果种, 唔系一般货色, 烟三文鱼咸度适中, 个龙虾冻汤好浓郁, 不过唔够冻. 千奇唔好错过酒店好出名的 Homemade Liver Pate, 用黎擦饼干或者面包真系一流呀.食左两转冷盘, 好想再encore, 不过要留肚食BBQ, 唯有忍下口, BBQ 有好多选择, 烧羊架最正, 师傅仲好体贴问你要生D定熟D, 烧鱿鱼好鲜味, 加埋D泰式酱汁, 食到唔停得口, 烧猪颈肉好 juicy, 不过烧乳猪个皮就硬左D. 到我最爱既甜品, 比 Tiffin Lounge 的选择少, 但贵精不
经过泳池到左餐厅, 离门口好远已经有个笑容可掬的带位姐姐欢迎我地, 一座低就俾好香既烧烤味道吸引住, 急不及待即刻出去拎野食. 冷盘有好多靓海鲜, 好大只龙虾, 仲爆晒羔添, 又有琵琶虾, 超级厚肉的大蚬, 巨型波士顿龙虾拑, 食两只龙虾已经回本. 仲有好新鲜既沙律, D车厘茄个皮系脆的, 好鲜甜, 连埋顶果种, 唔系一般货色, 烟三文鱼咸度适中, 个龙虾冻汤好浓郁, 不过唔够冻. 千奇唔好错过酒店好出名的 Homemade Liver Pate, 用黎擦饼干或者面包真系一流呀.
食左两转冷盘, 好想再encore, 不过要留肚食BBQ, 唯有忍下口, BBQ 有好多选择, 烧羊架最正, 师傅仲好体贴问你要生D定熟D, 烧鱿鱼好鲜味, 加埋D泰式酱汁, 食到唔停得口, 烧猪颈肉好 juicy, 不过烧乳猪个皮就硬左D.
到我最爱既甜品, 比 Tiffin Lounge 的选择少, 但贵精不贵多, 最钟意佢地既日式芝士蛋糕, 又香又软又唔会好heavy, 不过雪糕有小小失望, 果晚有四种味道, 但系无我钟意既椰子, 芒果同朱古力, 而且个雪柜唔够冻, 有D溶溶地.
Oh, 差D唔记得介绍下个环境添, 我地六点半到, 泳池有好多人游紧水, 周围都系树, 好有 resort 度假 feel, 虽然大风, 但系环境好舒服, 劲 relax, 好似去左外国咁. 个 buffet 食到成十点, 可以慢慢坐, 休息下再食过.
张贴
