半路咖啡 (已結業)

寻日去摩罗街𠮶阵，咁啱经过见到哩间Cafe，其实好想行入去叹翻杯咖啡㗎，最衰就无时间啦，所以今日就特登早啲起身嚟打卡。朝头早嘅Cafe有种好唔同嘅感觉，真系好舒服好宁静好Enjoy。店内最吸引眼球嘅非哩啲怀旧咖啡杯莫属啦，唔同嘅咖啡用唔同嘅咖啡杯载住，连外卖嘅纸杯都系哩啲怀旧款，好特别。好钟意哩个小角落，边晒住太阳，边叹叹啡。时间尚早嘅关系，可以霸到个店外靓位，好钟意哩种边饮咖啡，边睇住人来人往嘅感觉。- Flat White（$38）Wow ... 连咖啡杯碟都系一Set嘅，睇得出店主嘅小心思，拉花又靓，梗系第一时间电话饮先。咖啡味浓且香，钟意饮咖啡嘅值得一试。